ఫ్లవర్స్....ఫ్లవర్స్....

మా ఇంట్లో ఫ్లవర్ వాస్ కోసం తీసుకొచ్చిన పువ్వులు ఇవి. భలే ఉన్నాయని ఊరికే అలా క్లిక్కు మనిపించా! :) ఎలా ఉన్నాయ్???

జలజలలు...గలగలలు....

జలజలా పారే సెలయేటి గలగలల సరిగమలు......ఉవ్వెత్తున ఎగసి పడి.......సుడులు తిరిగి.....అలల నురగలు ఎగజిమ్మి......జలపాతమై నేలను తాకి మైమర్చిపోయే వేళ........కమ్ముకువచ్చిన ఆ తుషారాలను దోసిళ్ళతో అందుకుని ముద్దాడు వేళ.....మనసంతా ఆనంద తరంగమై ఉప్పొంగు వేళ.....ఇదిగో....జలపాతాల తరంగ విన్యాసం.

క్రిస్మస్@సోమర్సెట్ మాల్

క్రిస్మస్...క్రిస్మస్....మా ఊళ్ళో....'సోమర్సెట్ మాల్' లో క్రిస్మస్ కోలాహలం చూస్తారా? ఏంజెల్స్...క్రిస్మస్ ట్రీస్....శాంటా తాత....ఎల్ఫ్..ఇలా ఎన్నో అందమైన వాటితో ఈ మాల్ అలకరించారు.వెలుగులుజిలుగు విరజిమ్ముతూ....మెరిసిపోతున్న మాల్ సౌందర్యం మీరు చూడండీ :)

మబ్బుల సోయగం

న్యూయార్క్ వెళుతున్నపుడు..దారిలో...పెన్సిల్వేనియాలో...కనిపించిన అందాలు...కొండలు..మబ్బులు..వాన..ఇక ఈ కింద ఉన్న రంగురంగుల మబ్బుల సోయగం కనెక్టికట్ లో ఉండే మా చందు ఫ్రెండ్ సంపత్ గారి ఇంటి బాల్కని ఎదురు దృశ్యాలు......బాగున్నాయా?

      

         

మంచు జల్లు

వర్షపు జల్లు విన్నాం కానీ ఈ మంచు జల్లు ఏమిటబ్బ అనుకుంటున్నారా? మరి మా ఊళ్ళో ఇలానే సన్నగా,జల్లులాగ కురుస్తోంది మంచు.ముద్దలుగా కాకుండా ఇలా సన్నని రేకులుగా పడే మంచుని 'ఫ్లర్రీస్'(Flurries) అంటారట.ఫాల్ కి రాలిన ఆకుల్లో కుదురుగా ఒదిగిపోతున్న మంచు రేణువులను చూస్తుంటే భలే ఉంది.తెల్లని పొడిలాగా కురుస్తున్న ఈ మంచుని మీరు చూడండీ.

పుష్ప విలాసం

'సుమం ప్రతి సుమం సుమం....వనం ప్రతి వనం వనం'
ఈపాట లాగే....పూవులు కూడా ఎంతో అందంగా ఉంటాయి కదా!.ప్రక్రుతి అందం పువ్వులో...వాటి నవ్వులో ప్రతిబింబిస్తూ ఉంటుంది.
ఎన్నో రంగులు...ఎన్నో రూపులు...ఎన్నో సుగంధాలు....కానీ అవి పంచే ఆహ్లాదం మాత్రం అద్భుతం.....
అందమైన ఆ పూవుల సోయగాల్లో కొన్ని ఇక్కడ చూడండీ మరి.....

చివరి ఫోటో మా కిట్టుగాడిది. వాడికి నాలాగే రొసేస్ ఇష్టం.అందుకే ఒకరోజు ఆఫీస్ నించి వస్తూ రెండు రోజ్ ఫ్లవర్స్ తెచ్చా.అవి కిట్టుకి భలే నచ్చాయి.ఫోటో తీయమని ఒకటే గోల.సరే అని తీసేసా! అదన్నమాట సంగతి :)

రాలిన ఆకుల్లో...ఎన్నెన్ని వర్ణాలో...

ఫాల్..ఆకురాలు కాలం...శిశిరానికి  స్వాగతం  పలుకుతూ...చెట్లు చివరిసారిగా  హోలీ ఆడుకుని.....ఆడుకుని...అలసి సొలసి...మెల్లగా ఒక్కొక్క ఆకు జారవిడుస్తున్న వేళ......కొద్దిరోజుల్లో మోడువారబోయే చెట్లను తలిచి బాధపడాలో...అంతటి బాధలోనూ తమ సోయగం తో ప్రకృతికి వన్నెలు దిద్దుతున్నందుకు ఆనందపడాలో....ఏమో...రాలిన ఆకుల్లో ఎన్నెన్ని వర్ణాలో.....ఎన్నెన్ని అందాలో...